ស្ត្រី ដែលស្លាប់ខាងលើឈ្មោះសុខ ហេង អាយុ៥២ឆ្នាំ មានកូន២នាក់ទៅធ្វើការនៅប្រទេសថៃ សព្វថ្ងៃរស់នៅជាមួយម្តាយចាស់ឈ្មោះយាយ ហ៊ី អាយុ៧៨ឆ្នាំ ។
ប្រភពឱ្យដឹងថា ស្ត្រីរងគ្រោះយកខ្សែនីឡុងពណ៌ខ្មៅប៉ុនចង្កឹះចង.កទាក់ទៅ នឹងរនងផ្ទះ ដោយប្រហែលស្លាប់ តាំងពីពាក់កណ្តាលយប់មកម្ល៉េះ ប៉ុន្តែគ្មានអ្នកណាដឹងទេ រហូតទាល់តែព្រឹកឡើង ទើបម្តាយភ្ញាក់ពីដំណេកឃើញក៏ផ្អើលឆោឡោប្រាប់ដល់សមត្ថកិច្ច ឱ្យចុះទៅពិនិត្យ ។
ចំពោះមូលហេតុដែលធ្វើឱ្យស្ត្រី រូបនេះដាច់ចិត្តធ្វើអត្តឃាតខ្លួននេះ ត្រូវលោកយាយជាម្តាយអះអាងថា ដោយសារតែទាស់ ពាក្យសម្តីបន្តិចបន្តួចជាមួយគាត់ គឺនៅល្ងាចមុនពេលស្លាប់ នៅសុខៗកូនស្រីគាត់ មកទាមទារឱ្យគាត់ជាម្តាយ ចែកកេរមរតកឱ្យខ្លួន តែគាត់មិនព្រមចែកឱ្យដោយនិយាយថា អញមានកូនតែមួយចាំបាច់ចែកកេរធ្វើអី ចាំដល់ពេលអញស្លាប់ ឯងយកទៅ គ្មានអ្នកណាមកដណ្តើមទេ ។
លោកបន្តថា ក្រោយពីទាស់សំដីគ្នាជាមួយគាត់ហើយ ស្ត្រីរងគ្រោះក៏ពុំមានអាការៈអ្វីខុសប្លែកទេ គឺនៅធម្មតាទាំងអស់ ស្រាប់តែព្រឹកឡើងឃើញចង.កស្លាប់បាត់ទៅហើយ ។
កំណត់ហេតុខ្មែរឡូត៖
ស្រដៀងគ្នានិងករណីយខាងលើនេះដែរ ក្មេងស្រីវ័យ អាយុ១៧ឆ្នាំម្នាក់ មានបញ្ហាក្នុងក្រុមគ្រួសារ គិតខ្លី ដោយយកក្រមា ចង.ក ភ្ជាប់ ទៅនឹងធ្នឹមផ្ទះ បញ្ចប់ជីវិត កាលពីវេលា ម៉ោង៥ ទៀបភ្លឺថ្ងៃទី ២២ កុម្ភៈ ២០១៦ ស្ថិតនៅភូមិស្ពានជ្រាវ សង្កាត់សៀមរាប ក្រុងសៀមរាប ។
មន្ត្រីកងរាជអាវុធហត្ថ ក្រុងសៀមរាប បានឱ្យដឹងថា នារីវ័យក្មេង ដែលចង.ក ធ្វើអត្តឃាតខ្លួនឯងនេះ ឈ្មោះ ឆៃ លក្ខណា អាយុ១៧ឆ្នាំ មានទីលំនៅ កន្លែងកើតហេតុខាងលើ ធ្វើអត្តឃាតដោយ យកក្រមាចង.ក ភ្ជាប់ទៅនឹងធ្នឹមផ្ទះ កម្ពស់១,៩៤ ម៉ែត្រ មូលហេតុបណ្តាលមកពី មានបញ្ហាក្នុងក្រុមគ្រួសារ ឈានទៅចង.ក សម្លាប់ខ្លួនឯងតែម្តង ។
ប្រភពបានបញ្ជាក់ថា ក្រោយពីសមត្ថកិច្ច ចុះពិនិត្យ និងធ្វើកោសល្យវិច័យ ទៅលើដងខ្លួន សពរួចមក បានសន្និដ្ឋានថា នារីរងគ្រោះ ពិតជាចង.កសម្លាប់ខ្លួនឯង ប្រាកដមែន មិនពាក់ព័ន្ទ រឿងឃាតកម្ម នោះឡើយ រួចក៏ប្រគល់ឱ្យក្រុមគ្រួសារ រៀបចំធ្វើបុណ្យ តាមប្រពៃណី ៕
